Бизнис Центарот кој е формиран во рамки на Центарот за развој на Југоисточниот плански регион и функционира како регионална канцеларија која нуди поддршка на приватниот сектор, во иднина ќе ја интензивира соработка со Фондот за иновации и технолошки развој (ФИТР), со тоа што ќе ги информира потенцијалните корисници за сите јавни повици на Фондот и ќе обезбедува техничка поддршка на потенцијалните апликанти од Југоисточниот плански регион.

 

Бизнис Центарот кој е формиран во рамки на Центарот за развој на Југоисточниот плански регион и функционира како регионална канцеларија која нуди поддршка на приватниот сектор, во иднина ќе ја интензивира соработка со Фондот за иновации и технолошки развој (ФИТР), со тоа што ќе ги информира потенцијалните корисници за сите јавни повици на Фондот и ќе обезбедува техничка поддршка на потенцијалните апликанти од Југоисточниот плански регион.

Ваквата меѓусебна соработка на Бизнис Центарот со ФИТР е со цел заеднички да им се помогне на малите и на средните претпријатија од Југоисточниот плански регион полесно да пристапат до буџетските средства кои што се наменети за нивна поддршка и развој. Како резулатат и продолжување на долгогодишната меѓусебна соработка во следниот период Центарот за развој на ЈИПР и ФИТР ќе организираат информативни денови како и дополнителна поддршка на сите заинтересирани мали и средни претпријатија од регионот.

Предвидена е ваучерска програма на Бизнис Центарот за градење на капацитетите на претпријатијата и истата се спроведува преку проектот „Одржлив и инклузивен рамномерен регионален развој“, финансиски поддржан од Министерството за локална самоуправа и Швајцарската Агенција за развој и соработка во Р.Северна Македонија, со цел на овој начин да се поддржи развојот и економскиот раст во регионот, да се поттикне зголемувањето на бројот на нови работни места и да се овозможи подобар стандард за живеење во ЈИПР.

 

Ги повикуваме сите заинтересирани компании редовно да се информираат и да ги следат информациите кои се објавуваат на социјалните мрежи од страна на Центарот за развој на ЈИПР како и Бизнис Центарот при Центар за развој на ЈИПР:

 

Регионален Бизнис Центар: WEB: investinseregion.mk 
FB page: https://www.facebook.com/bizniscentarjipr