Регионалниот Бизнис Центар во рамките на Центарот за развој на Југоисточниот плански регион е формиран врз основа на Законот за рамномерен регионален развој („Службен весник на Република Сееврна Македонија" бр.63/2007 187/2013 и 43/2014), како и врз основа на Програмата на Владата на Република Македонија за рамномерен регионален развој во 2014 година („Службен весник на Република Северна Македонија" бр.8/2014 и 22/2014), со цел зголемување на конкурентноста на планските региони преку поддршка на малите и средни претпријатија и на претприемништвото.

Бизнис Центарот за поддршка и консултативни услуги за мали и средни претпријатија во Југоисточниот плански регион при Центарот за развој на Југоисточниот плански регион има за цел да помогне и да им даде поддршка на малите и средни претпријатија за нивен побрз и динамичен развој. Преку идентификување на тековни потреби, лобирање, информирање и вмрежување, Бизнис Центарот придонесува во зајакнувањето на капацитетите на компаниите во регионот со што создава клима за развој на одржливи и профитабилни бизниси.

Регионалниот бизнис центар е формиран во 2014 година со финансиска поддршка од страна на Министерството за локална самоуправа и Програмата за развој на Обединетите Нации - УНДП.

Денес, за остварување на своите цели, Регионалниот бизнис центар добива поддршка од страна на Министерството за локална самоуправа и Швајцарската Агенција за развој и соработка.