ОПШТИНА ГЕВГЕЛИЈА

КРАТКА ИНФОРМАЦИЈА ЗА ОПШТИНАТА

Општина Гевгелија се наоѓа во најјужниот дел од Република Македонија, на границата со Република Грција. Природната целина на гевгелиската котлина се протега од северната и јужната страна на македонско-грчката граница. Гевгелија лежи во рамниот дел на котлината, лоцирана на десното крајбрежје на Кожув и на Пајак Планина. Со својата географска местоположба, Гевгелија отсекогаш претставувала крстопат на поважните патни правци во овој дел од Балканскиот Полуостров, преку кои се остварувале сите економски и културни врски помеѓу јужна и средна Европа. Денес на територијата на Општина Гевгелија се лоцирани повеќе луксузни хотели и казина.

Според територијалната организација на единиците на локалната самоуправа од 2005 година, подрачјето на Општина Гевгелија го сочинуваат градот Гевгелија и следниве 16 населени места: Богородица, Габрово, Давидово, Кованец, Конско, Миравци, Милетково, Моин, Мрзенци, Негорци, Ново Конско, Петрово, Прдејци, Серменин, Смоквица и Хума.

ОПШТИ ИНФОРМАЦИИ

СООБРАЌАЈНИ ВРСКИ

ЧОВЕЧКИ РЕСУРСИ И ПОТЕНЦИЈАЛИ

Население: 22.988 жители (попис на населението 2002 година).

Полова структура на населението: 11.420 мажи, 11.568 жени.

Етничка структура на населението: 96,82% Македонци, 1,60% Срби, 0,93% Власи, 1,15% други.

Возрасна структура на населението (2014 година)

Графикон: Возрасна структура на населението (2014) - Гевгелија

[No canvas support]>

Извор: Државен завод за статистика, регионите во Република Македонија, 2015.

Активни и пасивни баратели на работа

Број на невработени лица: 1.276 (состојба на 31.11.2015 година).

Слика 4.14. Невработени лица – Гевгелија

[No canvas support]>

Извор: АВРМ, 2015.

Возрасна структура на невработените

Графикон: Активни баратели на работа - Гевгелија

[No canvas support]>

Извор: АВРМ, 2015.

Графикон: Пасивни баратели на работа - Гевгелија

[No canvas support]>

Извор: АВРМ, 2015.

Образовна структура на невработените

Образовни институции: На територијата на општината има четири основни и едно средно училиште. Високото образование е застапено преку Државниот универзитет „Гоце Делчев“ – Штип со дисперзирани студии од областа на правото, економијата, земјоделството, педагогијата, социјалните работи и туризмот.

ЛОКАЛНА ЕКОНОМИЈА

Број на активни деловни субјекти: 1.190.

Графикон: Активни деловни субјекти по години - Гевгелија

[No canvas support]>

Извор: Државен завод за статистика, 2015.

Доминантни индустрии: прехранбена индустрија, текстилна индустрија, туризам и угостителство, градежна индустрија.

Графикон: Деловни субјекти по доминантни индустрии - Гевгелија

[No canvas support]>

Извор: Државен завод за статистика, 2015.

Главни компаративни предности на општината: поволна географска положба и климатски услови, традиција и препознатливо производство на еко-храна, обучена работна сила во областа на туризмот, конфекционерство.

Најзначајни локални претпријатија: „Випро Виктор“ ДООЕЛ (преработка на овошје и зеленчук); „Пајдаков“, „Вори“ (конзервна индустрија); „Конти-Хидропласт“, „7-ми Ноември“ (производство на производи од гума и пластични маси); „Еуроинг“, „Млаз Инжинеринг“, „Мансард Коце“ ДООЕЛ (градежни фирми); „Риго Импекс“, „Јостела“ (винарија); „Агро Импекс“ (трговија на големо); „Лемекс“ (транспортно претпријатие); „Паскалин“ (производство и извоз на сурогати од кафе); „Кичуков Компани“ (трговија на мало); „Хина“ (преработка и конзервирање овошје и зеленчук и производство на леб и бели печива); „Ноел“ ДПТ Експорт импорт (текстилна индустрија).

Најзначајни странски инвеститори: Хотел „Фламинго“, Хотел „Рамада Плаза“ (хотели и ресторани); Kазино „Фламинго“, Казино „Принцес“ (игри на среќа); Хотел-казино „Аполина“, Казино „Сенатор“ (хотели, ресторани и игри на среќа).

Минерални ресурси: Каменоломи.

Туризам и угостителство: 11 хотели и мотели, 16 ресторани, шест кафетерии, три ноќни клубови.

ИНДУСТРИСКИ ЗОНИ И ЛОКАЦИИ ЗА ИНВЕСТИРАЊЕ

Во општината Гевгелија развиени се повеќе индустриски зони што имаат добра инфраструктура и сигнализација: Индустриска зона „Ракита“, Индустриска зона „Деленица“, Индустриска зона „Блокотехна“, Индустриска зона „Стопански комплекс откупно-дистрибутивен центар“ и Технолошка – индустриска развојна зона.

Општински поволности за инвестирање во индустриските зони: Советот на општината, на барање на инвеститор, може да донесе одлука за утврдување на посебни поволности за одредена конкретна инвестиција.